陸詩韻專心一致 做好蚊型生意
前港姐陸詩韻投資的生意瓣數多多，還要兼顧幕前演出，昨日她百忙中仍抽空出席慈善活動，善心爆棚，不過她謙稱生意只屬蚊型，忙極有限，又自嘲未能出錢，惟有出力！
前港姐陸詩韻、歌手可嵐、名模何紫綸聯同衍生集團主席彭少衍及董事總經理關麗雯等，昨日出席該集團舉辦的第二屆「衍生獎學金」頒獎典禮，陸詩韻坦言近年多參與慈善活動，她笑言：「因為覺得自己冇乜嘢可以貢獻社會，錢就冇，出吓力。」除了慈善，陸詩韻忙於代理護膚品牌、內衣品牌及餐廳生意，間中也會客串電視及電影，問到生意是否很忙？她謙稱：「唔係，我哋係蚊型生意，唔會好忙，出少少錢同少少力，但我唔想搞太多生意，想專啲。」
學跳舞鍛煉腹肌
之前陸詩韻為自家內衣品牌拍宣傳照，問到會否再拍新一輯？她坦言機會不大：「再拍就好悶，之前好耐冇影過，啲人就覺得有新鮮感啫，睇吓有乜新構思。（試吓操馬甲線？）馬甲線對我嚟講太遙不可及，我呢個年紀唔好咁push，我練咗腹肌先，最近開始學跳舞。」
何紫綸參賽嗌緊張
同場的可嵐早前不點名批評某歌手，張羽希日前對她的言論作出反擊，對此可嵐強調：「我幾時有話係講佢先，竟然有人出嚟回應，我覺得好奇怪，我唔知佢係想博新聞定係想點。」她表示跟對方不相熟，提到張羽希指因沒有幫可嵐丈夫買保險而積怨，可嵐直指是無稽之談：「我老公都唔係做保險呢行。（再見面會唔會尷尬？）我好少見到佢，我係歌手，只會出席唱歌活動。」至於名模何紫綸透露今日會代表公司參加創業比賽，心情緊張。
文：名人組