釘姐走勻中港票房高開
由佘詩曼、張家輝與古天樂等主演的電影《使徒行者》，甫開畫即票房報捷！該片前日於中港兩地同步上映，香港錄得逾110萬票房，內地更狂收6,000萬人民幣，令台前幕後振奮不已，異口同聲期待慶功！與古仔拍出「真感情」的家輝抵死地說：「今次又去巴西、又同古仔『超友誼關係』咁款，都拍得有血有汗！希望大家入場睇多幾次囉！」至於「歡喜哥」許紹雄亦開心地說：「呢幾日同阿佘去內地做宣傳，全部觀眾睇完都好熱情。每個地方嘅觀眾都好鍾意，見到咁嘅反應都好開心。」
「釘姐」阿佘對消息大感興奮，指角色可由電視延續到電影版，十分開心：「呢10日宣傳走勻香港、內地多個城市，見到唔同地方嘅觀眾支持，佢哋都好似陪住釘姐成長咁，衷心感激大家，近年有呢個角色都幾無憾喇！」阿佘日前出席深圳站宣傳時透露，拍戲時遭古仔欺負，與家輝演對手戲更被他打到面紅紅：「本有舊患在身，但對方再給我添新傷呢！」
文：影視組