胡定欣女上男下扭籮冧佬
胡定欣於《城寨英雄》飾演「刁蘭」既豪放又搞笑，經常向「牙佬」袁偉豪進擊的她隨後會向「拳佬」陳展鵬埋身，還趴在對方身上趷籮扭屁股！定欣對其S形身段自信滿滿，監製亦力撐她「絕無裝假狗」。
胡定欣與陳展鵬於無綫劇《城寨英雄》中關係愈趨親密，劇中不時遭大特寫屁股的定欣還有一幕於展鵬身上趷籮扭Pat，相當搞笑！昨晚播出的一集，「刁蘭」胡定欣勇救「拳佬」陳展鵬後甜蜜相擁，拳佬發現自己愛上刁蘭，但她始終心繫「牙佬」袁偉豪。當拍攝刁蘭逼拳佬幫她追牙佬一幕時，展鵬自發諗出「篤穿底褲」，除褲露Pat時引得全廠大笑。
監製人頭擔保 真材實股
定欣被問到趴在展鵬身上扭籮時有否令對方「動L」，她笑說：「邊有咁易啊！不過好好玩，好多嘢係我哋自己度出嚟。」提到戲中經常被大特寫屁股，展示S形身段不讓各肌男專美，定欣自言身形一點都不輸蝕：「自己都操到好Fit！」問到展鵬犧性色相，着穿窿底褲見Pat Pat，定欣說：「拍嗰陣展鵬突然出咗去，之後返嚟拍佢一剝褲，大家見到個窿都笑到震！（你有冇篤落去？）梗係冇啦！Pat Pat嚟架！」監製文偉鴻則被問到為何定欣有多場屁股大特寫？他笑說：「我都唔知點解啲導演拍佢咁多Full Shot，其實之後定欣劇中個黑寡婦造型都令全劇男演員着迷，佢本身Keep得好Fit。（Pat形咁靚裝假狗？）我夠膽用性命擔保係貨真價實。」
播映以來，牙佬每次除衫晒肌都令不少女觀眾動心，袁偉豪透露賣少見少：「除埋之後一、兩集應該冇o架喇！（監製話收視好再剝？）咁監製話乜就乜，等我再操Fit啲先！」
文：影視組