欣宜一字馬擘出鴛鴦腳

歌手鄭欣宜與首飾品牌合作拍攝宣傳片，片中以多個造型示人，塑造現代女性千變萬化的角色，在其中一個鏡頭挑戰瑜伽做一字馬的她說：「做瑜伽動作最搞笑，因為要Show個產品，所以只係做其中一邊嘅動作。嗰日做完後，我一邊好鬆，另一邊就好緊，同埋每個動作都Hold好耐，平時又唔係成日做瑜伽，好彩有拉開筋，都唔係話好辛苦。」她指當日拍攝過程順利，認為最特別的是穿白裙唱歌的造型：「搞咗好耐，因為我哋想達到嘅效果係有啲煙同埋有盞燈，但計漏咗着白衫，所以拍嗰時有啲詭異。」