張智霖闖荷里活夥拍007皮雅斯

入行25年的張智霖（Chilam）歌而優則演，近年人氣再次飆升，曾拍攝不少電視劇及電影的他，近日喜獲外國片商垂青，成功躋身荷里活影壇，據知Chilam將參與拍攝電影《Final Score》。Chilam昨日與天后陳慧琳（Kelly）以代言人身份出席月餅品牌活動，他自爆將赴英國倫敦個多月拍攝一部西片，更透露會與前占士邦皮雅斯布士南（Pierce Brosnan）有不少對手戲。

曾於澳洲讀書的Chilam講英文當然冇問題，但首次拍攝西片，他承認非常緊張，更特別請來外籍演員河國榮擔任英語老師：「嗰部西片係動作片，對白都幾多。（會有打鬥場面？）打就唔會點打。就嚟出發，9月中先返嚟。」問到在倫敦拍攝期間可會與老婆袁詠儀（靚靚）順便血拼購物，他笑言對靚靚馴服似綿羊：「佢生日係我七日之後，願望就係唔使送禮物畀佢，但諗番『一年唔好買包』呢個心願會即刻破滅，就唔係幾吉利。（有冇試過拒絕？）未試過，但佢成日拒絕我。」

張智霖	張智霖、陳慧琳與小朋友率先玩燈籠。

Kelly笑蝦餃仔似Promoter

同場身穿白色露背連身裙的Kelly指演唱會巡迴暫告一段落，稍後會籌備國語大碟，又表示新推出的演唱會DVD銷量好要加印，並收錄長達40分鐘的花絮，連兒子及老公都會上鏡。Kelly又爆大仔蝦餃仔見到有歌迷想與她集郵便會攝鏡：「入到佢就話『呢個係Kelly嚟(口架)！』，呢個Promoter（宣傳人員）幾好，係好Sweet，可以幫我宣傳，等我畀佢佗住隻DVD先！」

文：音樂組 　

攝：張福宏