《玄學星相》：剖析鄧紫棋10年是非命？
歌手鄧紫棋（G.E.M.）今年繼續是非纏身，衣服潮流品味獨特的她，更被網民笑是「時裝終結者」，多面受敵的她到底如何有效避開是非？最新一集《東網巨星》娛樂節目《玄學星相》邀得堪輿學家陳子才，以玄學角度分析G.E.M.的負評厄運。
對於G.E.M.何時遠離是非，陳子才說：「其實呢樣嘢，我諗有排！有排嘅意思係咩？第一，佢行呢個大運，本身就惹是非，大運行到2017年完，跟住2018年就行另一個大運，但係2018嗰10年大運同樣惹是非，所以只要佢一日喺娛樂圈，或者佢之後做其他嘢，一樣會引發無限是非，或者好多人有意見。」
G.E.M.受訪總會笑對負評，但其密友何家千金何超蓮曾提過，G.E.M.曾為負面新聞流淚，陳子才說：「佢本身有粒『傷官星』外露，通常有『傷官星』嘅人就唔係好介意人哋講嘅嘢，但佢同時內心性格有粒『食神星』，『傷官』對『食神』係兩個極端，即係話佢裏面其實係多愁善感，不過就要佢啲閨蜜先睇到，平時唔會表露於人前。」探討完事業輪到姻緣，G.E.M與何超蓮同樣單身，真命天子何時出現？想繼續聽師傅點講？就要Click入《東網巨星》的「視娛樂」，睇《玄學星相》就更啱Feel！
http://goo.gl/5rcT6R