奧蘭度咀完Katy(興)爆光豬水上飄

型男奧蘭度布林（Orlando Bloom）前日與女友Katy Perry在意大利拍拖享受陽光與海灘，全程不知幾咁癡纏，穿上比堅尼谷胸的Katy攬到奧蘭度實一實，狂送波餅及肉嘴，又幫男友搽防曬，搞到奧蘭度一副冧樣，忍唔住手多多摸番Katy個靚股叉叉電！

益埋同行女友人

不過，唔知係咪波餅食得多，搞到全身慶合合，奧蘭度與Katy出發玩滑浪板前突然興起，將普通沙灘當成天體沙灘，當住女友及同行女友人面前除褲放「雀」，畀「鵰兄」抖抖氣！Katy見到男友全裸相當淡定，就咁坐上滑浪板前面，由得奧蘭度在後面順水Show「周」，天后果然係天后，乜嘢「大」場面都見過！奧蘭度亦唔怕「鵰兄」曬傷，享受與大自然融為一體，唔知自己已被拍下放「雀」照，到上岸時先用手掩着下體，再着番條褲。

粉絲推測「真面目」

奧蘭度人在外地一時興起，就搞到全裸照登上英國雜誌《Daily Star》封面，下體被面紅紅emoji遮實；而美國報章《紐約每日新聞》（The New York Daily News）亦有刊登照片，但用黑色長格遮住重要部位，搞到一眾粉絲紛紛在網上狂摷去格原圖，最終都冇任何收穫。不過，粉絲唔放過任何線索，有人分析黑格長短及闊度推測「鵰兄」真面目，更有眼利粉絲發現奧蘭度大髀出現疑似下體形狀的陰影，即時被其Size震懾，大讚他身懷巨物，大器已成，有人留言：「我肯定佢暗藏巨鵰，我已經準備好喇！」、「奧蘭度憑佢嘅巨物足以令世界和平！」、「我願意犧牲任何嘢去整走個黑格！」群情相當洶湧！

文：外娛組