王敏德背棄太太 啜爆「新歡」
型男王敏德（Michael）與太太馬詩慧向來恩愛，但昨日出席活動時獲贈高爾夫球桿後令他愛不釋手，興奮得親吻球桿之餘，更高呼只愛「新歡」：「我錫佢唔錫老婆。」
藝人王敏德（Michael）與名模Ana R.昨日出席「HONMA高爾夫工藝展」，Michael獲贈高爾夫球桿，更興奮得親吻球桿並笑言：「我錫佢唔錫老婆（馬詩慧）。」他自言已玩高爾夫球（golf）15至20年，細女王麗嘉及仔仔王躍穎亦有此嗜好。他大讚仔仔又高又fit，揮桿很有天分，但尚欠一點經驗。問到會否與老婆拍拖打高爾夫？他笑言：「佢可以去做spa，細女有打，我培養咗佢呢個興趣，希望將來佢會約朋友一齊打。因為我24歲嗰陣都同朋友打，係一個好健康嘅運動。」
年少氣盛揮斷球桿
他又表示能從打球的過程看到人的性格，笑言打球能訓練脾氣，打得不好亦要保持平靜的心境。他更自爆好多年前曾因打得不好，發怒而打斷球桿。此外，他又表示即場向高爾夫球員梁文沖偷師，獲益良多。
憂心囡囡搭長途機
Ana R.則表示正籌備到美國及英國探親，旅遊兩個半星期，是女兒Maya首次坐長途機，她說：「佢飛嘅時候會係九個月大，聽講當個小朋友變到活潑啲，就會難控制，真係好對唔住坐我附近嘅人。由香港飛英國係夜晚機，所以應該冇乜問題，但英國飛美國係下午機，所以都幾擔心。我會執定啲玩具同佢玩，分散佢注意力。」
文：名人組