陳庭欣有三個囝囝鳥！

原本飼養了兩頭愛情鳥Gorogoro和Warawara的陳庭欣（Toby），近月「添丁」再飼養一頭月輪鳥Shabushabu，日前她帶三位「囝囝」到新蒲崗與一眾「雀友」舉行雀仔Party，Toby與十多隻雀鳥相處融洽，合照期間更有鸚鵡主動向Toby獻吻，場面溫馨又熱鬧！

性格各異似湊仔

Toby談到愛雀即滔滔不絕，她指三隻雀外形及性格都不相同：「Gorogoro個性比較聰明狡猾，好似識偷聽人講嘢咁，佢識嘅動作都多啲，識畀腳腳、叼錢入個盒、轉身同埋錫錫；Warawara就文靜啲，佢好耐都未戒奶，除咗食、屙、瞓好似都冇咩識；至於Shabushabu仲係BB，遲啲就會變大隻好多。 」

Toby笑言其他人通常飼養一男一女的愛情鳥，但Gorogoro及Warawara都是囝囝，問會否再「追女」？她笑說：「唔會喇！我之前冇刻意揀性別，好似抽扭蛋咁，跟住Shabushabu又係仔，注定我係奶奶命！（幫雀仔搵女友？）暫時冇咁諗，因為佢哋易生蛋，除非搵到朋友幫手養，咁當然有方法解決佢哋需要啦！我屋企有個特製波波，佢哋當個波係女友咁，會反芻自己食嘅嘢落個波度，好似氹女友咁，每當收起個波，佢哋就會大叫！」

Toby抱住未瞓醒的BB雀Shabushabu。	Toby被十多隻雀包圍影大合照，其中一隻鸚鵡更主動獻吻！	放大圖片

未來老公要接受

Toby直言養雀的樂趣不下於養貓養狗，而且花費不貴，佔地亦不太大：「我睇住啲雀仔出世，佢哋好似貓狗咁會黐你嗲你，幫佢沖涼又簡單，糧食又唔貴，養雀嘅樂趣好大！」Toby表示父母相當贊成她養雀，齊齊照顧寵物亦是其中一項天倫樂活動，而將來即使揀老公，對方都要接受她養雀！

波波當女友 Gorogoro

Warawara

髮型：Hei@HAiR

場地：Panash Bakery & Cafe

文：影視組