陳志健帶散熱法寶拍古裝

藝人陳志健（Otto）近日忙於與陳凱琳（Grace）及黃智賢等拍攝無綫劇集《翻生武林》，打戲連場，Otto說：「個劇有好多外景，雖然天氣好熱，但我哋出外景好多裝備，頂得順！除咗幾把風扇360度圍住吹，又有支噴落個身度會好涼嘅噴霧，但最見效都係監製有日買埋嘢飲嚟探班！雖然天氣真係熱到好難搞，但Grace、鄭世豪咁我哋成班後生有講有笑，好似去Camp咁開心，要犧牲嘅係我個角色叫蝙蝠，皮膚要白，所以呢排冇得曬太陽。」他又表示日前拍打戲時受傷：「隻腳撞親，睇咗醫生話傷咗少少韌帶，另外因為Keep住要拍打，都幾勞累，走咗去刮痧，搞到成個背脊紅晒，但只要個劇出嚟效果正，觀眾欣賞都值得嘅！」