鍾舒漫聆聽自己靜待Mr.Right

歌手鍾舒漫（Sherman）的新碟以「自我審查」為主題，深入研究愛情、家庭、工作及面對自我四個人生範疇，為入行九年做個小總結：「人一直行嘅時候，好少聆聽自己嘅聲音，所以我想返番去最裏面嘅自己，不斷問自己問題，再打答案出嚟，過程發現自己真實嘅需要。」目前單身的Sherman坦言對愛情抱開放態度，談到早前經歷舊愛吳浩康出軌，她坦言剛開始曾嚇怕，但已衝出陰霾：「如果畀一、兩次經歷框住未來好唔抵，世界咁大，我信一定會有同你Match嘅人。」家庭方面，與父母分開住了十幾年的她透露，近大半年搬回與父母同住：「唔知仲有幾多時間去對住爸爸媽媽，唔想第日後悔見佢哋咁少。」