吳業坤硬晒軚怕動L
歌手吳業坤（坤坤）昨日為下周舉行的處男演唱會排舞，面對兩名女舞蹈員雙手在上身游走時一度「硬軚」兼用手遮住「何B仔」，經過一輪熱身，坤坤放縱得兩度拍打女舞蹈員屁股及摸兩女面珠，場面火辣。
吳業坤將於下周三（8月10日）於紅館舉行首個個唱《香港夏日流行音樂節2016 - KWANGOR LIVE IN HONG KONG吳業坤演唱會》，他昨日一身黑Look出席綵排，與兩名女舞蹈員大跳辣身舞，坤坤表現生硬似機械人般由舞蹈員帶領，期間遭兩女摸上身，曾激凸的坤坤刻意用手遮住何B仔，最後伸手拍打女舞蹈員屁股兼攬腰及摸面珠，其舞姿令全場人士捧腹大笑。
拍女舞蹈員屁股
坤坤承認舞技差：「《巨聲幫》時已經跳得好差同好生硬，排舞師已經知我跳舞底子。」坤坤自爆個唱會有特別視覺效果，對於拍打女舞蹈員屁股，他說：「呢個唔係主要，到時會有更多身體接觸。（點解唔搵緋聞女友Aka做被打屁股嘅舞蹈員？）唔關事。（呵護住佢？）唔係。」問到為何要揀Super Girls歌曲《鎂光燈下》？他說：「因為冇乜快歌，呢首歌大家都熟悉，同埋比較性感。」
另外，坤坤網上玩live與歌迷分享音樂可說是「鼻祖」，問今次個唱可有直播安排，給買不到飛的歌迷欣賞？他笑說：「呢個又冇諗，都唔知場館嘅網絡係點，唔知得唔得！但唔做直播，演唱會就淨係屬於嗰晚嚟睇嘅觀眾另外一種珍貴回憶。」
最驚迷失紅館
至於首次踏上四面台，坤坤亦擔心迷失方向：「聽啲前輩講係會唔知方向，仲話四面係用四倍力去應付，所以要Keep fit，但唔係為體形，係為體力。（想睇你Body留待下次？）如果真係再有下次，一定會『六舊腹肌』畀大家睇，因為自己都未見過，哈哈！」
化妝：Tiffany Lai （Assist by Sanah）
髮型：Ken Yong（Assist by Ricks）
場地：The AIR坤坤
文：音樂組