符致逸超齡新人有自信

追夢不再是年輕人的專利，39歲的創作歌手符致逸（Adrian）由幕後轉戰幕前，今年再由台灣回歸香港，推出第一首廣東歌《無非一聲掰拜》。為了追尋音樂夢，他去年年尾毅然決定辭去科技公司的市場推廣工作，瞓身一博全職做音樂，以免餘生後悔。他說：「驚一定驚，好多現實嘅嘢要考慮，好彩我都儲咗少少錢，同埋我真係唔想再諗得太多，計劃太多。」雖然做「超齡新人」，但Adrian未有後悔太遲起步：「我依家出嚟個自信心好咗，知自己鍾意創作啲咩歌。如果我十幾年前就跳出嚟全職做音樂，可能領悟唔到呢一樣嘢嘅關鍵性。」