吳寶玲撲100萬彈藥望創珠寶品牌
曾在律師樓工作的模特兒吳寶玲，毅然轉行入娛樂圈後賺到足夠「彈藥」，善用人脈創業開公司做老闆，又同時修讀珠寶設計課程，寄望畢業後可創立自家品牌，於30歲前賺到第一桶金100萬。
曾於《低俗講波團》擔任女郎兼擁有「大車」之稱的模特兒吳寶玲（Cherry），穿性感惹火比堅尼在沙灘展示美好身段，為大家在炎夏中火速降溫。Cherry續透露任職模特兒前，曾透過朋友介紹在兩間律師樓工作兩年，但發覺每天醒來都找不到目標，永遠只為排山倒海的工作趕deadline，付出與收穫不成正比而轉行。她稱：「我入行之後主要係拍電視廣告、各類平面廣告，電影就拍過《少女打擂台》，又做過賽車、世界盃女郎。」
培訓小朋友面對逆境
Cherry很慶幸加入娛圈，可認識不同層面的人。她說：「我做咗model兩年，儲到少少錢，都投資咗一部分嘅錢嚟開咗間公司。公司主要係做小朋友活動，希望可訓練小朋友EQ，等佢哋面對困難同逆境時，可以有堅毅能力同情緒管理。（投資幾錢？）接近6位數，總共係有兩位股東合作。」
善用人脈創業做老闆的Cherry透露現時在浸會大學修讀珠寶設計高級文憑課程，寄望畢業後可創立自家珠寶品牌，以30歲前賺到第一桶金一百萬為目標：「我對珠寶設計好有興趣，希望第時可設計自己嘅首飾，設立自己嘅品牌。」她又稱稍後會參演一部微電影：「我演一個有身體障礙人士。（拍戲有冇底線？）我唔明點解好多人話可以全裸上陣，我係一定唔得。」
羽毛球高手
Cherry表示閒時很喜歡以球類運動來保持火辣身材，特別鍾情打羽毛球。拍攝當日，她揮動球拍「殺波」，有姿勢有實際。她說：「我小學係籃球、羽毛球同乒乓球校隊，中學就揀定咗打羽毛球，到依家仲keep住同朋友一個月打4次羽毛球。」她又稱平時喜歡下廚，故手上累積了少許「戰績」，有些傷痕由去年至今仍然未褪印。
Profile
姓名：吳寶玲
生日：1988年6月9日
三圍：32C、23、33
身高：1米68
體重：45.5kg
文：名人組