鄧健泓怕石詠莉蝕底

石詠莉要戒口，卻被鄧健泓引誘。

首次開騷的Sukie表示心情緊張及感壓力：「但呢係正面，係時候令自己進步，依家開始跑步練氣，同埋要戒食薯片、甜嘢。（Patrick督促你？）佢係惡魔引誘我。」Patrick亦謂原打算今年年尾結婚，但突然有演唱會檔期，故延遲結婚。問到何時結婚？他說：「完咗第二隻碟同演唱會，睇吓財政資產點先。（索性喺演唱會結婚？）唔得，Eric Kwok做咗，不過都係，可以慳錢。」問到可會只准Sukie穿密實歌衫？Patrick笑言歌衫性感尺度是心口對上位置：「露少少（事業線）都得，適當啦，美感為主。」

• 石詠莉開心達金唱片銷量。