千嬅兒子愛買匙羹鎮宇：可能想做刮痧師傅！
吳鎮宇、楊千嬅前晚出席首映禮，鎮宇以一身「o靚坤」造型搶鏡之餘，還搞笑窒千嬅搞氣氛，當千嬅提到兒子愛煮食，出埠會主動要求買匙羹、碗等食具，鎮宇則「指點迷津」笑指千嬅可能會錯意：「其實佢鍾意買匙羹可能係想做刮痧師傅呢！」此言一出，令千嬅笑爆！
前晚吳鎮宇、楊千嬅、蘇志威、詹瑞文等出席電影《寶貝當家》首映，同場還有劉溫馨及阮兒，鎮宇以經典電影角色「o靚坤」造型出現，十分搶鏡！鎮宇與千嬅在台上提及各自兒子的夢想，千嬅笑稱兒子丁進諾（Torres）喜愛煮食，日後可能進身飲食界做廚師：「之前我哋一家出埠遊玩，個仔主動要求買匙羹同碗。」鎮宇聞言即搞笑指千嬅可能誤解兒子的志向：「佢鍾意買匙羹，可能係想做刮痧師傅呢！」逗得千嬅狂笑不已。
o靚坤忙「爆樽」
講到余文樂被誤傳與阮小儀相戀，鎮宇繼續發揮幽默：「搞錯呀余文樂，我訂咗（小儀）嘛！帶小儀出街好吖，傳媒未必影到佢，因為遮住晒。」千嬅則笑稱已「做晒禮」，又讚小儀顧家及廚藝好。至於日前爆出張達明與太太分居，身為達明好友的鎮宇說：「娛圈見得多，兩個都係難得咁nice同善良嘅人，有啲嘢話唔埋。（叫外界畀空間佢哋？）依家興冷靜吓先。」
鎮宇前晚以o靚坤Look出現，他透露全因正趕拍新戲，並笑言會於戲中不停「爆樽」：「轉頭要返去開工。（演番o靚坤？）近似角色，好多打戲，可樂樽爆嚟爆去。」鎮宇稱將拍攝江湖戲份，可能於銅鑼灣街頭拍攝聚集過百名手下的場面，並與內地演員做對手戲。他又說兒子費曼（Feynman）正看劇本，新戲有機會「父子檔」上陣：「佢自己睇緊劇本，未決定演唔演。小朋友冇得逼，但人哋都未必要佢。」
文：影視組