Daisy失準講急口令 劉穎鏇喪食螺絲

2016港姐昨日舉行拉票活動，20強佳麗將面對觀眾及評委會選出10強進身決賽，觀眾可透過TVB Fun手機應用程式於12日前投票，選出10強心水佳麗，大會將於14日公布投票結果，10強佳麗會於八月中出發到日本福岡拍攝外景，而決賽將於9月11日舉行。

半鹹淡廣東話

20強準港姐為爭取票數輪流拉票，距離公布十強不足十日，令一眾準港姐心情緊張，當中大熱佳麗「蒙古郡主」代蓮曦丹美（Daisy）及「大隻鍾嘉欣」劉穎鏇（Tiffany）緊張得失準跌Watt，二人為自己拉票時晒半鹹淡廣東話，Daisy自我介紹時更快到聽不到，事後她直言緊張，並表示下次會更小心，又指參與無綫安排的培訓班可訓練台風及穩定度，獲家人投票支持的她最想獲觀眾支持。

馮盈盈爆男友欣賞其他佳麗，咁大方嘅？	20位候選港姐各出奇謀拉票。	劉穎鏇賣口乖話睇無綫劇學發音。

何瑩瑩生硬甫

至於食螺絲的Tiffany表示正積極練廣東話，又賣口乖指看無綫劇練發音。「甫士王」馮盈盈則否認讀書時是校花，又爆料指男友有不少欣賞的佳麗。

主修音樂系的何瑩瑩（Melody）以「朗誦腔」自我介紹，被司儀陸浩明寸「你一定係副修朗誦」，其後她連環擺出十個生硬甫士影相，成功搶鏡！Melody解釋怕觀眾聽不清楚才慢慢講，並指甫士是導師所教，被問會否覺得甫士生硬？她表示各人都有進步空間。

文：影視組