羅霖三子接受Honey

「美魔女」羅霖(Candy)與關禮傑昨日出席餐廳開幕,Candy表示暑假要照顧小朋友特別忙,月底會陪二仔飛美國羅省升讀大學。問到會否「湊埋」男朋友?她笑言:「佢湊我,一定要係佢照顧我,最好洗衫煮飯搵錢都係佢。(暑假幫你分擔?)冇,佢未見過我三個仔,我會安排年尾佢哋一齊見,食飯傾偈睇戲。(三個仔接受你男友?)係,佢哋想我有個伴,有多啲人錫佢哋。」

關禮傑透露大女關楓馨大學畢業後投身社會大學,體會一年工作經驗,下年讀碩士。問到是否參與選美?他說女兒今年7月畢業時已截止,下年由女兒自己選擇。