陸浩明爆料捱鬧 肥媽街市被扯衫...跌膊
由肥媽與陸浩明（六號）主持的飲食節目《今個夏天食平D》昨日於電視城舉辦記者會，節目來到第五輯，肥媽繼續對六號又打又鬧，肥媽先笑指在街市拍攝時被街坊扯衫至跌膊，並要求合照，六號笑說：「所以阿媽今日（即昨日）着咗四件衫打底，仲黐埋膠紙！」肥媽即說：「你就黐……膠。」令全場爆笑。
封「街市吉祥物」
新一輯節目中，肥媽將在街市即買即煮，二人透露拍攝後見到所用的食材即時加價，六號笑指肥媽是街市吉祥物，又爆料指在街市玩捉精靈手機遊戲時，剛巧見到肥媽穿黃色衫，他隨即將肥媽拍下再叫女友改圖，將肥媽變成「比媽超」！
麥雅緻爆老公哭訴
而擔任嘉賓的麥雅緻被問到早前藝員老公張頴康自爆尋母三十年，她直言事件勾起老公不開心的回憶，她說：「有人話識佢媽媽，好期待，但講講吓又唔似係，佢都有少少唔開心，呢啲經歷對佢都有影響。」又直言張頴康曾因事件對她哭訴。
文：影視組