《東網Baby》：伍倩彤C魔法挑戰沙灘裸曬
夏日炎炎又係時候同陽光玩遊戲，擁有33C的「嫩版張曼玉」伍倩彤於沙灘上演「Big波蕩漾」，自誇有完美身材的她坦言有意到外國天體沙灘裸曬，一嘗赤條條大解放滋味，作為影壇生力軍，她希望有機會與視偶像吳君如合作，誓要趕走「花瓶」角色！
模特兒出身的「嫩版張曼玉」伍倩彤（Gillian）憑33C、24、34 Fit爆身材深受廣告商歡迎，更因拍攝邦民廣告成功俘虜萬千宅男心，Gillian以三點式在東網巨星全新一輯《東網Baby》之「索女玩曬」中閃亮登場，除《東網巨星》及《東網》App外，亦可於東網電視娛樂節目《東網Baby》中看到她的美麗身影！
披外套免睇蝕
樣靚身材正的Gillian趁夏天來臨來個「大解放」，穿上三點式的她在沙灘上玩波波，跳起殺波不特止還飛身救波，又在水中來回跑，相當搏命！擁有完美身材的Gillian最愛陽光與海灘，甚至為曬黑搽上黑鬼油：「有時曬黑少少有另類感覺，睇落幾吸引。」問到每次到沙灘是否三點式上陣？Gillian說：「太熱嘅關係都會着少布啲，清涼少少。」至於有否試過在港裸曬？保守的Gillian口震震說：「冇，好驚呀，怕醜。」提到外國有不少天體沙灘，Gillia揚言有機會也想感受一下，並透露不時在沙灘被眼望望：「我會立即行開同披番外套，唔好畀人睇蝕。」
誓要撇甩「花瓶」
敢於嘗試的Gillian曾接拍不少電視及平面廣告，今年更踩入影壇客串兩套電影，視吳君如為偶像的Gillian希望有機會做諧星：「好鍾意新鮮感，醜化角色都冇所謂，唔想成日做花瓶。（以君如為目標？）係o架！希望有機會合作啦！」提到君如開戲不時搵新血，問敢不敢抓撈？怕醜的Gillian笑說：「會同經理人講，等經理人去傾，當然好想有呢個機會！」
【http://goo.gl/LTFcDg】
文：音樂組
攝：劉智源