麥明詩通行巴西唔係靠把口
港姐麥明詩（Louisa）於巴西為奧運進行採訪，要勤做功課準備，不容有失，Louisa坦言與當地人言語不通，惟有善用身體語言。距離奧運開幕還有兩天，她坦言體育場館仍搭建中，會多留神免中機關陷阱。
港姐冠軍麥明詩現正於巴西為無綫採訪奧運，距離2016巴西里約熱內盧奧運開幕還有兩天（6日）時間，她已四出進行採訪，更看過開幕禮綵排，由於經驗尚淺，故不時請教身邊有經驗的同事。Louisa接受本報獨家專訪，坦言當地巴西人說的是葡萄牙文，而她只懂說英文及普通話，故溝通時有點雞同鴨講，就連買東西都要夾雜手語。
睇舊片做功課
Louisa說：「我哋去咗馬拉卡納（MARACANA）體育館睇開幕禮綵排，嗰日我要同韓毓霞喺現場做採訪，期間我哋遇到一個四海為家的中國人伯伯，佢好喜歡奧林匹克精神，就係咁騎住架三輪車周圍宣揚和平、環保，佢由美國踩單車嚟巴西，足足踩咗四個幾月，我都有同佢做訪問，仲借咗佢架單車嚟踩。」
問到要做直播評述會否大感壓力？Louisa坦言：「因為直播時間方面要拿捏得好準，隨時要作好準備，又要同香港錄影廠方面配合，自己都要睇番2008年同2012奧運開幕做定功課。」
地窿鋼筋盡現
問到Louisa巴西治安及村內情況？她指場館內很多「機關」：「樓梯可能會忽然有舊石屎喺度，好多嘢都未執好，要比較留神，傳媒村入面有啲電線跌落嚟，都會提自己小心啲。」此外，她亦於Instagram上載一張地窿相，更幽默留言：「雖然好多窿係自己掘畀自己踩，但呢個就真係人哋掘畀我踩喇！」似乎真係機關重重。而本報記者亦於巴西採訪，於傳媒村現場所見，情況的確混亂，除周圍垃圾外，地下的鋼筋亦露出路面，真的要分外小心！
文：影視組