歐陽妙芝狂走音被彈

名模歐陽妙芝、鼓手Kevin Boy及樂隊Kolor主音Sammy昨日出席9月舉行的音樂劇記者會，三人分別以徐小鳳、樂隊Blue Jeans及張學友80年代造型示人，處女下海的歐陽妙芝說：「年初許願話想學多啲音樂，點知收到監製邀請，我話你夠膽用我夠膽做，其實佢未聽過我唱Live，我覺得係天意安排。」隨即自爆遭監製彈唱功：「佢聽完我唱Live，話真係唔掂，多謝佢咁坦白。」問會否擔心演出走音？歐陽妙芝說：「唔驚，劇中我經常去酒廊唱歌，實有機會走音。」而Kevin Boy表示最難是忍口：「唔畀講粗口係最難忍。」曾在節目除褲露股的他說：「睇吓到時情況，可能除剩孖煙囪。」