阿Sa撈埋編演自家情史
蔡卓妍（阿Sa）與邱禮濤、李敏組成「鐵三角」再拍新戲，更破格撈齊幕前幕後，連過往的戀愛點滴也搬出來，讓李敏度身訂造劇本，再向老闆楊受成籌集資金，之後再碌爆人情卡，請姊妹鍾欣潼、鄭希怡等助陣，男主角則「欽點」型男周柏豪，實行瓣瓣掂！
蔡卓妍去年憑《雛妓》入圍金像獎最佳女主角，雖然最終鎩羽而歸，但阿Sa的演技已獲肯定，今年適逢加入影壇十五周年，阿Sa決定再挑戰自己，接拍愛情小品電影《原諒他77次》，今次不單做演員，還參與編劇、選角及製作預算等工作，一腳踢瓣瓣做，全方位「升呢」！
巨額預算「嘩嘩聲」
該片根據李敏同名小說改編，阿Sa對小說及電影劇本一直積極給意見，更將過往的拍拖點滴「赤裸裸」剖白，務求讓編劇李敏為她度身訂造愛情故事，阿Sa說：「過往我喺電影方面較被動，一直等到遇上好劇本先演，但自從跟編劇李敏、導演邱禮濤合作過《雛妓》之後，我開始有『與其被動去等好劇本，不如自己主動創作』嘅諗法，所以今次嘅劇本我一直努力參與其中，希望創作一個屬於自己嘅愛情故事。」
阿Sa還首度參與製作費預算，並幫忙找投資方英皇電影，事前未曾接觸製作預算環節的阿Sa，在洽談過程中看到金額之大，有時都忍不住「嘩嘩聲」，並多次表示「學到」。而英皇老闆楊受成認為阿Sa今次突破框框，勇於接受挑戰，值得支持，故電影最終落實拍板。
阿嬌Yumiko力撐
有劇本、有資金，當然就開始選角，阿Sa亦親自上陣，碌爆人情卡，請一班好姊妹幫拖，包括鍾欣潼（阿嬌）、鄭希怡（Yumiko）、盧巧音及衛詩雅等，男主角則為型男周柏豪，眾人一聽到阿Sa「吹雞」，亦立即答允，希望阿Sa影壇事業可更上一層樓，憑好劇本、好班底再度衝擊影后！
文：影視組