孫慧雪冇得玩呻跌錢
藝人孫慧雪、伍允龍及張文慈等前晚出席電影《自殺特攻：超能暴隊》首映。阿雪表示是日原定有份出席的動漫節活動，卻因打風被迫取消，她大感無奈：「本來有得同魯芬一齊玩虛擬電玩，齊齊扮女僕做家務。（冇咗幾多錢？）五位數字啫，都慘！」只好當放半日假去執屋。
談到無綫劇《城寨英雄》因颱風襲港收視高開，第二集才出場的伍允龍大表高興，而預告中有他摸緋聞女友劉佩玥胸部情節，他指其實是被對方玩弄，問會否怕二人緋聞被翻炒？他謂：「冇得驚唔驚，我比較着重觀眾享受套劇！（有冇因緋聞畀佢粉絲鬧？）咁我又冇留意呀！」至於張文慈就表示，稍後會與教友張栢芝大仔Lucas補祝九歲生日。