陳瀅甩拖變大食

「宅男女神」陳瀅早前和賭王公子何猷亨甩拖，回復單身的她不時相約好姊妹劉佩玥作伴。昨日下午5時許，兩人又再結伴到西九龍食拉麵，一身街坊打扮兼踢拖的陳瀅化悲憤為食量，個子嬌小的她食完一碗拉麵竟然唔夠飽，立即又往附近的cafe買嘢食，身邊的劉佩玥似乎習慣好友放任大食作風，全程攞住電話邊行邊捉精靈。及至發現記者，兩人友善地揮手打招呼，然後齊齊步行返陳瀅寓所。