張建聲嘆冇姻緣運 龔慈恩囡囡激似Yoon A
藝人張建聲與陳詩慧前晚出席首映禮，身穿黑色長袖衫的建聲熱到狂流汗，提及感情問題時更一度dead air，大粒汗珠巧合滴下，非常搞笑。他表示與拍拖5年的女友分手，現已回復單身，他坦言可惜：「依家專注事業，如果突然想一齊番再算。」提到好友王宗堯及何佩瑜都搵到另一半，建聲說：「佢哋咁sweet，都令我有憧憬，但呢排冇乜緣分，未有咩目標。我想揀圈外人，但都想睇吓佢哋點同圈中另一半維繫。」
同場的唐貝詩身穿白色透視裙晒性感，至於龔慈恩偕16歲愛女林愷鈴（Ashley）到場，愈大愈靚的Ashley激似少女時代成員Yoon A，相當搶鏡。
