王宗堯 蔡潔晒愛唔怕黎紀君眼冤！

王宗堯、Jeana、張建聲、周家怡及楊淇等前晚到銅鑼灣出席《導火新聞線》街頭宣傳及首映，電影公司老闆蕭定一身穿印有「囧報」的戲服，滿場飛招呼台前幕後，並high爆與一眾演員合照，氣氛熱鬧。

不介意與舊愛合作

宗堯及Jeana最近都有新戀情，自然成為焦點。王宗堯與新歡蔡潔及舊愛黎紀君（Christy）同場，宗堯風騷拖蔡潔合照，Christy則由幾位姊妹傍住，跟宗堯完全沒有交流。之前宗堯出席活動表示與蔡潔已拖了手，前晚他指兩人感情再進一步，問是否已錫錫？他甜笑承認。提到跟Christy現屬同一公司，宗堯直言不介意合作：「大家和平分手，希望保持朋友關係。」並指跟另一前度女友陳靜也能成為交心好友。其後蔡潔受訪時顯得怕醜，問她跟宗堯是否很sweet？她臉紅紅說：「好熱呀。（之後可以公開拖手？）大家見到咁就係咁啦！」勁尷尬的她直認未習慣公開談及戀情，並表示不介意宗堯跟Christy合作。

王宗堯輕攬蔡潔晒恩愛，未有與舊愛黎紀君作交流。	黎紀君	翁子光不肯合作，尷尬的Jeana以笑遮醜。

心血來潮叫「小寶寶」

早前Jeana在社交網上載與導演男友翁子光的合照，並叫對方「小寶寶」，問到「小寶寶」在哪？Jeana笑說：「佢瞓緊覺，講笑咋，佢嚟緊。（Dry咗咁耐再拍拖好開心？）係嘅，充實咗，正常番，之前太『宅』。（平時叫佢小寶寶？）嗰日心血來潮咋！（咁叫咩？）阿翁，或者子光。（見咗家長未？）見咗。（結婚對象？）吓？耐啲睇吓點，係啩，唔知呢。（佢有咩優點？）做嘢認真，好似安全島。」

Jeana僅晒腿，沒有展示「最強胸器」。

唐貝詩穿白色透視裙到場。

穿白色長裙的Jeana表示並非男友下了「封胸令」，但對方不想她拍肉緊接吻戲。她稱：「French kiss唔好，佢話唔好太深入，蜻蜓點水OK。（叫佢捧你做影后？）唔敢諗，有都唔拘，冇都唔緊要。」其後陸續有嘉賓到場，幾乎最後抵達的翁子光甚為避忌，一支箭衝入影院，遺下Jeana無奈地在布景板前，其後翁子光應邀步出影院影單人照。

文：影視組