金剛：佢過多幾年要入老人院！

現年34歲的藝人余文樂與45歲的阮小儀傳緋聞，不少粉絲都非常震驚，余文樂昨日留言表示若幾年後仍未找到對象，便會與阮小儀一起，此話一出，回響甚大！小儀的老友金剛受訪時說：「老實講，睇到我都笑咗出嚟，點會啫？我諗余文樂同我諗法一樣，人鬼殊途，點會有可能？冇可能啦！但係余文樂話過幾年仲單身就同佢一齊，咁我又企喺小儀嗰邊諗，過幾年佢（小儀）都應該要入老人院喇喎，不如咁啦，依家嗱嗱聲同佢一齊啦，咁都仲可以一齊玩嘛，咁都可以考慮吓！趁小儀行得走得，唔係過幾年就要推佢出去曬太陽！不過就算我過多幾年仲係單身，我都係唔會同小儀一齊！哈哈！」老友都咁玩，金剛認真抵死！