蔣怡法國女廚神出爐！
名模蔣怡（Coco）去年遠赴藍帶法國廚藝學院修讀九個月課程，並出書大談留學點滴，早前她應Vinda邀請穿上紙巾婚紗行騷，令她再次回想學廚夢。Coco每日為老公翁狄森準備膳食，同時身兼大廚在家宴客，一星期下廚三次，以中菜配合西式技巧烹調，她最愛自創Fusion菜，半年來菜式不曾重複，招牌菜包括慢煮醉乳鴿醉鵝肝、鹽焗叫化雞、脆炸酒釀排骨、慢煮叉燒、洋蔥煎鴨胸及鹽烤羊腿，每位朋友試過都大讚好味，而且是外面吃不到的味道。
與家人分開九個月
為保食物新鮮，Coco堅持吃完一道再出另一道，一餐飯食數小時，而且自己冇得食：「做得廚師就冇份食，惟有喺廚房試食。（做廚神？）啱啱畢業嗰陣覺得係廚神，我同老公話我學完你成世都有米芝蓮嘢食，佢就偷笑。」
Coco能夠變成美女廚神可說全靠老公，當時女兒只有歲半，老公要做「單親爸爸」，大小雜費都由老公一手包辦，雖然Coco讀書期間壓力爆煲，又掛住女兒，但她仍然堅持，說到這Coco不禁眼濕濕：「試過拎住幾十公斤刀，攰到坐落地。（同老公講？）去到畢業冇再打電話聯絡，當自己單身，因為要好專心考試，佢有Send Message畀我叫我加油，我崩潰爆喊。」
髮型：Louis Tse@POPEIGHT
服裝：TOPSHOP