袁偉豪拍拖遊埠撞正新郎約食飯遊車河

無綫藝員袁偉豪與女友岑杏賢趁放假到溫哥華旅行,恰巧於機場遇到王賢誌,大家更交換電話,之後Vinci相約他們食飯。對於Vinci結婚,袁偉豪昨日越洋接受本報訪問時說:「食飯時傾開先知,有恭喜佢,Vinci都有車我哋周圍觀光,不過我哋冇出席佢婚禮,依家我哋都準備上機返香港!」

堂弟:一早好似家人咁!

而Vinci堂弟王賢訊昨日說:「都係睇facebook先知,好戥佢哋開心,佢哋一齊咗好耐,關係好close,其實結唔結婚都冇分別,只要佢哋開心,我當然祝福佢哋。(見過Vinci男友?)成日見,已經好似家人咁,我都當咗佢係家人,好多次家庭聚會都會見到佢。」表哥鄭嘉穎則回覆:「屋企人嘅嘢,唔回應!」而Vinci好友鄭紹康說:「識咗二十幾年,好高興佢感情有開花嘅一日。(平日見佢哋都好sweet?)當然啦。我傳咗短訊恭喜佢,祝佢百年好合,為佢踏出呢一步感到驕傲!」