陳細潔投資佳釀升值35%
陳細潔（Abbie）與波爾多葡萄酒議會主席兼酒莊Chateau Angelus主人Hubert de Bouard相聚。Abbie自爆於2012年得到第一手資訊，在Hubert的酒莊升格為頂級酒莊時，大手買入八箱葡萄酒，並於短時間內升值35%，賺了十幾萬，覺得投資紅酒比買樓及股票回報更高。
「鯊魚女」陳細潔（Abbie）向來都是愛酒之人，日前相識多年的好友波爾多葡萄酒議會主席兼酒莊Chateau Angelus第七代傳人Hubert de Bouard來港，即相約對方敍舊，並邀請對方為將推出的葡萄酒書寫序。Hubert坦言自1987年起，不時來港宣傳其葡萄酒，早已視香港為第二個家。
回報率比樓股高
Abbie透露曾多次到訪Hubert的酒莊參觀，今年亦計劃再到訪重新裝修的酒莊，就連美國前總統克林頓亦曾到訪。Abbie透露Hubert的酒莊於2012年升格為頂級酒莊，自己捉緊時機大手入貨：「當我一知佢升做一級酒，就即刻入咗8箱貨，每箱12支，其實當時想買多啲，但已經無貨，個價錢即刻升值咗35%，賺咗十幾萬！我好幸運，因為依家想買都難，有啲年份買唔到添。」Abbie指由於該紅酒在巿面上已缺貨，相信再待上一段時間，應可升值一倍。她揚言投資紅酒比買樓及股票的回報率高，且與好友分享時亦甚感自豪，若再遇到靚紅酒的話，必定會大量入貨。
十歲已學歎紅酒
Hubert自小受父親薰陶，十歲已試飲紅酒，笑言身上流着葡萄酒的血：「我喺酒莊出生同長大，喺我七歲生日嗰年，正常小朋友都會收到玩具，但我收到一把剪枝用嘅鉸剪！」作為酒莊第七代傳人的他，表示造酒最重要有熱誠、事事親力親為及令顧客開心。品牌的紅酒亦曾於電影《007：鬼影帝國》中被占士邦丹尼爾格力（Daniel Craig）品嘗，人氣十足。而作為波爾多葡萄酒議會主席的他，坦言希望推廣葡萄酒給年輕人及女性。
文：名人組