歐陽震華野外小解露械唔露面

前晚播出的《一屋老友記》大結局錄得最高32點收視，全劇平均27點，成為今年劇集收視第二高！演員歐陽震華、滕麗名及呂慧儀等，前晚在銅鑼灣開飯齊齊睇結局，無綫助理總經理曾勵珍亦到場支持。

收視高企令男主角Bobby心情大靚，他開玩笑稱若結局收視達35點，就僅以樹葉遮住重要部位示人，其後又自爆在內地拍劇時人有三急，曾於荒蕪之地小解，怎料遇上旅行團踩場，助手即時用傘遮住其重要部位，但他笑言寧願遮面：「我即刻叫佢遮住我塊面，唔好遮下面，起碼人哋唔知我係邊個，嗰度就豪畀佢！」

為定欣介紹男友

同場的阿滕透露與Bobby及呂慧儀夾份請食飯，呂慧儀即笑言被Bobby及阿滕請客太多次，故自薦出錢盡綿力。談到該劇將拍攝旅遊節目，阿滕透露暫定9月出發：「度咗個大期9月4號至21號，中間時間我都得。」呂慧儀則表示屆時會將兒子「蟹籽」交給老公照顧：「囝囝就嚟讀幼兒班，但佢好獨立。」

翹住劇中老公張頴康（左）及真老公黃文迪，難怪呂慧儀咁風騷！

劉佩玥翹實張彥博去飯局，勁Sweet！

此外，談到再次缺席宣傳活動的拍檔胡定欣與音樂人陳明道分手，Bobby力撐說：「拍拖唔一定要結婚，揀多幾個比較穩陣，舊嘅唔去新嘅唔嚟！呢個時代嘅女性唔一定要拍拖同結婚，單身都好開心！」毫不知情的阿滕則表示留待對方返港再說，問到會否為對方介紹男仔？她笑言身邊好友都排隊等介紹。

文：影視組