港男梁裕恆推20kg車胎做力王
今屆《2016香港先生選舉》14位入圍香港先生，昨日到中環一間健身室操肌備戰台灣地獄式外景。身形健碩的前消防員梁裕恆（Flow）表演翻動20kg巨型車胎展示力的表現，十分威猛！問到Flow是否獲優待安排他表演？他說：「唔係，係我自己揀，搵機會表現吓，自己每星期健身六日，每日兩至四個鐘，已經維持兩、三年，仲有教健身。」
問參加比賽後學生會否多了？Flow說：「會o架，本身有廿幾個學生，最近有三、四十個學生想搵我教，但只收到兩、三個，因為冇時間教。（多女仔搵你教？）男女都有，反而男士多。」
另一熱門「孱仔」王瑋彤（Tony）拿起4kg啞鈴操肌，表現有點hea，他說：「練膊頭我只係做到4kg，但推胸都做到30kg。呢兩、三個月少咗健身，哥哥（王浩信）都叫我要快啲操，其他參賽者好犀利。（你好似體弱多病？）冇辦法，實際情況係咁，呢排唔舒服，可能緊張同壓力。」
羅天宇的細佬胡(非玉)明顯修身，近年開始一星期花四、五日健身，近期刻意吃得清淡，他希望再操大一點胸肌。在法國學了自由搏擊五年的麥凱程（Alex）打沙包時嘭嘭聲，勁度十足！
文：影視組