張秀文誤摸小KB：硬硬哋！
無綫新一代「咪神」張秀文與黃日華乖女黃芷晴，昨日以tube top谷胸出席活動，並與男藝人KB（李健宏）玩遊戲，秀文更誤摸KB下體，並發表「硬硬哋」摸後感，笑爆全場！
張秀文與黃芷晴昨日到灣仔會展出席香港動漫電玩節，兩女均以tube top示人，上圍可觀的秀文谷胸，與白雪雪晒線的芷晴本已非常吸睛，加上兩女異常玩得，毫不錫身與KB玩了多個頂癮遊戲，包括蒙眼在「無上裝」KB身上摸雞子、生豬肉及紅毛丹，又與KB在石春路雙人跳繩，以及含住透明管鬥吹鹹竹蜂等，其中蒙眼秀文在司儀蔡康年引導下，誤摸KB下體，秀文竟發表摸後感說：「硬硬哋！」令全場爆笑！
跳繩「左彈右彈」
秀文與KB一齊受訪，兩人起初推說只掂到皮帶，及後KB忍唔住自爆有被摸到下體，但秀文仍死撐沒有掂到，她說：「我掂到褲咋！（褲會硬硬哋？）牛仔褲唔洗咪硬硬哋囉！（酬勞好，性感加任玩唔嬲？）咩呀？頭先蒙眼摸嘢我都驚，啲鹹竹蜂又好鹹！（前經理人兼緋聞男友Victor批准你咁玩？）冇乜點問過，工作係公司幫我接，我都嚟咗動漫節好多日，感覺好自在呀！」
芷晴與KB在石春路上跳繩，被KB語帶雙關埋怨：「你左彈右彈，我頭都暈埋！」芷晴對此說：「我冇尷尬，我唔知佢睇到乜，好彩佢唔係話盲啫！（男友呷醋？）做嘢冇所謂，出街就叫我唔好露膊，怕我凍親。（想接泳衣騷？）我都係首次露腰接job，我皮膚白似媽咪，等我收吓小肚腩先！」
「叔叔抱抱咁啫」
KB被問到下體被摸的感覺時說：「啲雞子、生豬肉喺我身上，令我冇感覺！我當秀文係世姪女，頭先佢都話『搵食艱難』定『生意難做』！（你鍾意同世姪女玩胸壓氣球當懲罰？）好似叔叔抱抱咁啫，大家都享受嘅！」
文：影視組