鄧麗欣未熱身照贏排球賽
藝人鄧麗欣（Stephy）早前成功帶領其排球隊Loey由丙組升上乙組，昨日球隊到元朗參加排球聯賽女子公開組（初賽），經過三局激烈比賽，最終Loey以二比一險勝。現場見Stephy戴着盛傳與同性密友鄧衍敏（小牛）的情侶手鏈。
比賽後Stephy一臉疲態，喘晒氣說：「今次我哋得七丁友，原本我都諗住唔嚟，因為唔夠人，升班後成個月我都冇練過波，打到第三局先覺得熱到身。」談到雙腳有兩大撻瘀痕，她解釋因10月將接拍一部空手道電影，近日與戲中師傅歐錦棠練打。提到日前出席黃柏高生日會，舊愛方力申缺席，她再次澄清小方身在內地拍戲，並非刻意避開。
