草蜢圍跳貼身舞 AGA嗌緊張

歌手江海迦（AGA）一連兩場處女騷前晚圓滿舉行，尾場請來草蜢擔任特別嘉賓，齊齊邊唱《So Sad》邊跳貼身舞，令AGA忍不住說：「好緊張，畀三個靚仔圍住！」又笑言被三子的眼神電親。草蜢大讚AGA是香港難得的靚聲創作歌手，故在場的觀眾好識貨：「好多人問我哋同AGA好熟咩？因為佢靚聲，所以我哋要嚟支持！」在首場演出中，AGA與緋聞男友林德信曾拖手合唱，不過尾場兩人改為翹手，問是否怕再傳緋聞？AGA笑說：「佢驚呀可能！」至於個唱可會有Part 2？AGA表示要問公司，又指因不捨得舞台才兩度Encore。