張名雅認準新娘 避談「奉子」

黃智雯、陳庭欣和陳智燊等昨日宣傳無綫劇集《超能老豆》，陳庭欣被問到同屆港姐李雪瑩宣布訂婚一事，她指與對方有聯絡：「佢好似由選美開始就係呢個男朋友，好長情！（同你相反？）係囉！點解咁o架！總之宣布得就係我結婚啦！」記者繼續追問其感情事，庭欣為轉移視線，即大爆圈中另有港姐有喜事，問是否同屆港姐？她說：「唔講得，總之佢都結得急。（大肚？）我唔知，佢就嚟宣布啦！我姊妹裙都試埋喇！」

千雪心穎不知情

原來，庭欣口中快要結婚的港姐就是2012年冠軍張名雅，名雅正與圈外律師男友Joe打得火熱，早前更於社交網高調晒愛，昨日她接受本報訪問時親口承認：「男朋友求咗婚，我都應承咗，係開心嘅事，其實婚禮籌備咗好耐，佢好有計劃，好感動到我，本來冇諗住咁快講，我哋想有多啲空間。（咁快結婚係咪有BB？）BB呢啲咁長遠，唔講住喇！做好眼前啲嘢先，結婚已經好多嘢搞。」

陳庭欣大爆已試穿姊妹裙，睇嚟張名雅行禮之日不遠矣！	一眾演員出「蕉」宣傳新劇《超能老豆》。	陳煒（左）和黃智雯齊齊扮Cute。

與名雅同屆的朱千雪與黃心穎均不知情，千雪說：「佢有拍拖咩？恭喜晒！（唔知？）我完全唔知呀！」心穎則說：「我都唔知呀！有留意佢公開咗有男友，估唔到進展咁快囉！（試咗姊妹裙？）冇呀，唔會搵我啩！（港姐結婚潮冇你份？）唔會啦，我唔急！」

黃智雯：畀時間定欣

此外，智雯於活動中透露剛到英國小休十日，期間相約好姊妹胡杏兒、胡定欣相聚，對於定欣甩拖，智雯說：「佢係個積極女仔，姊妹有咁嘅決定都會支持。（分手前已知？）都係，有傾嘅！雙方需要時間復原，係會唔開心，畀啲時間啦！」

而已入紙排期結婚的陳智燊表示正忙於籌備12月的婚禮，並預計分別於英國、澳洲及香港擺酒，談到使費大，他調皮地說：「搵唔番咩？其實都會有賺，但唔多。（夠彈藥？）唔夠都要打呢場仗，不過開心又期待。」又指會趁後生生BB，與宋熙年亦有共識，寄望明年有好消息。

文：影視組