苟芸慧破「不瘦降」靚番等拍劇
藝人苟芸慧年前因甲狀腺問題導致身形暴脹，努力減磅下近日終見成績。昨日她現身動漫電玩節時清減不少，重拾昔日美艷，不過面對同場大講有味笑話的林敏驄，她即時冇晒符，只好尷尬陪笑！
苟芸慧昨日與林敏驄現身動漫電玩節活動，清減不少的她狀態不俗，透露全因近日心情好，加上減少食量及做運動所致，又坦言不心急減磅，希望慢慢地健康進行。問到何時恢復昔日最佳狀態？她說：「畀多一、兩個月時間，唔想畀自己太大壓力。（之後會拍番劇？）睇公司安排，我就冇乜所謂，會盡量做到最好。」
賽車Game尋刺激
苟姑娘笑指現時多了時間打機及賽車，當得悉有虛擬電玩遊戲時即大感興奮：「呢種玩法令到心跳加速，都幾刺激，可能幫助到減肥。同埋玩虛擬賽車遊戲的話，女仔唔會咁易受傷，唔使真正落場，又拎到真實感覺。（同男友玩？）同一班賽車手，我冇拍拖，今日男友係林敏驄。」
捉住手仔教授
阿驄亦打趣自稱苟姑娘的新男友，並指二人曾相約減肥，問到是否打機減肥？阿驄即大講有味笑話：「打波波囉！」在旁的苟姑娘只懂尷尬陪笑，不過阿驄未肯罷休，繼續發表「偉論」說：「咁打Golf唔係波波咩？（一星期打幾次？）睇心情啦！（打真嘅定假嘅？）一邊真一邊假，仲有捉住佢隻手，執子之手教添！」苟姑娘即補充指每兩星期練習一次，場面惹笑。
文：影視組
