袁澧林 文青女神學戲 盼闖荷里活

去年憑美心廣告成功彈出的模特兒袁澧林（Angela），憑清新面孔和簡約衣着，火速被網民封為「文青女神」，近來還被電視台ViuTV起用拍攝劇集，她透露對演戲有濃厚興趣，會把握每一個機會，寄望終有一日可以擔大旗拍電影現身大銀幕，甚至進軍荷里活，她說：「我依家好努力學緊戲，係一個好好嘅方法演技課程，希望裝備好自己迎接每一個挑戰。」
袁澧林現時上演戲課程，務求裝備好自己迎接每個挑戰。
袁澧林現時上演戲課程，務求裝備好自己迎接每個挑戰。

問到會否為自己在娛圈設定一個限期？Angela瀟灑說：「我冇話要喺咩時間內做到啲咩，始終呢個行業唔係咁穩定，但我同自己講一有機會就要做到最好，咁下一個機會就會嚟。（唔驚紅唔起？）有時啲嘢冇得驚，鍾意就做，唔紅唔會係令我放棄做呢行嘅最大因素，而係自己鍾唔鍾意。」

袁澧林憑清新面孔而廣受網民愛戴。
  • 袁澧林憑清新面孔而廣受網民愛戴。