Stephy短髮賀Paco 方力申冇影

現年65歲的太陽娛樂文化揸fit人黃柏高（Paco）前晚在酒店開生日P，穿一字膊連身裙、露膊兼露腿的鄧麗欣（Stephy）單拖現身，此外，還有許志安、鄧建明（Joey Tang）、劉浩龍、沈震軒、葉念琛、梁漢文、As One、谷德昭、曾國祥、環球高層黃劍濤等人到賀，Joey Tang更帶備威士忌，說要送給Paco慢慢品嘗，唯獨未見Stephy舊愛方力申（小方）到場。

送上全新形象

問到Stephy長髮為誰剪？她笑言：「剪咗好耐o架喇，為咗天氣而剪，因為咁熱，最近拍戲都多動作，所以剪短髮有個新形象，有個唔同嘅Stephy畀大家睇。（送咩畀Paco？）最重要係我嘅工作成功、有成績，就係Paco最鍾意嘅禮物。」小方沒有到場，據知因他正身在外地拍戲，昨日傍晚他在微博上載了一張用拍戲器材做健身的片段。

許志安攬實飲到面紅紅的Paco。	黃柏高（箭嘴示）開生日P，群星拱照。	黃柏高

飲少啲都唔得

派對中段，飲到面紅紅的Paco跟Stephy一同受訪，講到生日願望，Paco希望公司電影愈來愈好，除了更多電影製作外，部部戲都大賣，娛樂發展更上一層樓：「個人就最緊要身體健康，雖然好難每晚飲少啲，呢個做唔到。（今晚會飲好多？）呢個係生命之水，威士忌對我嚟講係好大嘅支持，個個話唔好飲咁多，但真係做唔到，只會愈飲愈多，以咁嘅年紀都飲咁多係個奇迹，希望身體健康。」問到對旗下藝人有甚麼期望？他說希望個個大紅大紫：「希望Stephy電影成功，再有突破。（祝Stephy快啲再拍拖？）工作至上。」熱愛飲酒的Paco獲多位藝人輪流敬酒，結果全晚開了三箱威士忌，加上紅酒、白酒，前後共飲了四十二支。

As One去完P都咁好儀態。	方力申上載在大陸開工時，用拍戲器材健身的片段。	鄧建明送酒給Paco慢慢歎。

文：音樂組

攝：司徒國榮