翠如洪永城演情侶 收另一半「禁令」

黃翠如、洪永城及黃浩然等昨日為無綫劇集《我瞞結婚了》試造型，向來老友的翠如與Tony第二度合作劇集，當中更有感情線。

咀戲床戲少不免

翠如笑言稍後會研究雙方「感情」的深淺程度：「希望淺淺哋，太熟會好難投入，好在喜劇都OK！（你哋嘅另一半會嚟探班？）佢哋擔心我哋嗌交多啲！之前詩詠話如果我哋嗌交，每晚12點前就要和好如初，Edwin（蕭正楠）都擔心我哋嗌交。其實嗌交內容好無聊，有時佢打傷我，有時我嗌咗蝦佢唔食會嬲，唔會氹番大家。」

對於女友詩詠吩咐不要和翠如嗌交，Tony笑說：「嗌交都係感情深厚先嗌！（翠如話唔會氹番大家？）我會，成熟男人嘛！嗌交都係為件事啫！」問到劇中的親密程度？他透露彼此的角色似相戀數年的情侶，亦少不免有床上戲，問到會否要求減少咀戲？他說：「場戲個感覺到，表現到甜蜜都會做，其實都係一件正常情侶會做嘅事，我好期待大家喺劇入面嘅火花！」

唐詩詠	黃浩然為新劇獻出第一次，就係留鬚同電鬈髮喇！

黃浩然留鬚電髮

至於黃浩然留了鬍鬚，他透露今次獻出了兩個第一次，分別是首次為無綫劇留鬚及電鬈髮，而戴假髮亮相的傅嘉莉則會配合角色，剪短秀髮。

文：影視組

莊思敏剪個冬菇頭再戴埋眼鏡，差啲認唔出佢！

傅嘉莉戴住假髮亮相，預告遲啲會剪埋短髮。