狄易達瞞女友 收藏AV女優寫真

歌手狄易達、劉威煌及王梓軒等昨日出席動漫節活動，早前報名參選過港男的「小智」Jason亦跟扮成比卡超的朋友仔到場。問達仔可有收藏寫真集？他笑言男士擁有寫真很正常，但再追問收藏誰的寫真時，他口窒窒地答：「三上悠亞（現為日本AV女優，之前是女團SKE成員鬼頭桃菜），影得靚同好有美感。（以前啲女朋友知唔知？）唔知，呢啲要放喺保險箱。」問到可有機會跟前女友吳亞馨復合？他說：「暫時冇諗，大家都冇聯絡，亦都冇新戀情。」