伍詠薇 歎過黃秋生

藝人伍詠薇昨日邀請黃秋生擔任其主持節目《伍姑娘真識食》的嘉賓，兩人見面即擁抱及作狀錫錫。伍姑娘稱希望與秋生再合作：「其實我同秋生拍過戲，佢做我老公，我哋仲kiss過，佢嗰陣仲成面鬚。我廿幾歲已經享受過秋生，有碟為證o架！」秋生則笑稱已忘記：「有啲咁筍嘅嘢？遲啲搵套戲多啲kiss嘅！」
秋生大讚伍姑娘樣靚身材正，更作狀攬住咀。
秋生大讚伍姑娘樣靚身材正，更作狀攬住咀。

伍姑娘笑言訪問秋生很大壓力：「唔知點解覺得你係幾惡，或者係見到啲咁勁嘅演員會肅然起敬，嗰份驚係尊重、欣賞，想喺訪問過程偷師。」問秋生有何死穴？他笑說：「冇，死咗嘅人係冇死穴。」提到陳法拉在網上轟觀眾睇舞台劇時玩手機，秋生說：「咁佢好斯文喎，係我直情指住佢啦。試過有個觀眾玩手機，我就停咗問佢玩完未，之後先繼續再做。有次有個觀眾電話係咁響，我就合埋眼停咗，等靜晒先繼續！」

秋生大讚伍姑娘樣靚身材正，更作狀攬住咀。
  • 秋生大讚伍姑娘樣靚身材正，更作狀攬住咀。