孫慧雪恨嫁舊愛 專一唔收兵

「第十八屆香港動漫電玩節」昨早揭開序幕，場面熱鬧。孫慧雪以cosplay打扮與網絡紅人「爆機達」為新推出的電玩遊戲站台宣傳。阿雪被追問與舊愛Edwin Lo假分手及同居的傳聞，她說：「我哋真係分咗手大半年，分手有好多原因，但分手後傳媒不斷將佢啲相放上網，搞到佢有少少驚！我哋依家係有見面嘅。（有機會復合？）係，因為真係唔捨得。」

否認當街鬧交

問阿雪現時對Edwin有何感覺？阿雪稱給予對方100分：「佢喺我呢個歲數遇到最好嘅。（視對方為結婚對象？）咁嘅年紀都會諗呢樣嘢。（有傳你唔抗拒其他追求者。）我唔係呢種人，好專一嘅，唔收兵只收觀音。（佢信你？）佢對我絕對有信心，咁多年我身邊只係得佢一個。」提到早前她與Edwin被指當街鬧交，阿雪解釋二人當日被貨車司機挑釁，對方圍着他們的汽車狂影相，故大感無奈，並非發生爭執。

孫慧雪與網絡紅人「爆機達」以cosplay造型宣傳電玩遊戲。

林泳淘（左起）身材明顯不及張秀文及陳婉衡，惟有靠甫士搶鏡。

秀文死撐單身

至於無綫小花張秀文與陳婉衡、林泳淘出席動漫節開幕典禮。34D秀文與36E陳婉衡大騷身材，成功「big」走32D林泳淘。秀文被追問日前的寫真照及與前經理人Victor的緋聞，原本以為戀情明朗化，但她突然矢口否認與對方拍拖：「唔係男友，只係同事，想影靚相咪搵個信得過嘅人囉。（單身？）好單，依家專注工作。（你咁講唔驚有人唔高興？）邊個？我阿媽？佢成日想我搵個好歸宿就真。」

文：影視組