高海寧升呢女主人 為鄧智偉慶生
藝人高海寧（高Ling）年初被本報踢爆，與林峯御用音樂監製鄧智偉秘戀三年並於馬鞍山天宇海築愛巢，前晚鄧智偉舉行四十歲生日派對，穿Deep V露前又露後的高Ling被取笑是「女主人」，她說：「唔係，冇禮物呀，陣間同佢講句生日快樂！（送生日Kiss？）未有。」並承認獲鄧智偉親自邀請，問到對方是否她杯茶？高Ling猶豫說：「唔知。」隨即大讚對方：「佢OK，有才華，個人又好好。（有意思再進一步？）唔知。（發展中？）哎呀！」並冧爆說：「我係佢粉絲嚟睇騷。」
三哥：阿女唔影我
同場還有苗僑偉（三哥）夫婦、林峯、吳卓羲、林夏薇、薛世恒、林盛斌（Bob）及蔚雨芯等，早前被指有新歡的薛世恒只影相不受訪。對於愛女苗彤將擔任今年港姐外景攝影師，三哥說：「佢乜都影，係唔影老竇。」並表示從港姐統籌經理余詠珊口中得知愛女成為港姐外景攝影師，更否認是他穿針引線，問到苗彤有否酬勞？三哥說：「後生女唔使講酬勞，最緊要學嘢，不過一嚟就咁大單，佢又冇乜嘢，仲話冇咩唔得。」而Bob成立的「棋人娛樂製作（香港）有限公司」日前出聲明，與藝人鄭融和平結束合作關係，Bob否認與鄭融鬧不和及意見分歧：「佢同同事相處好好，做乜佢都盡量滿足。」
