無綫熱播奧運麥明詩實地採訪
無綫對本屆奧運賽事相當重視，爭取到里約奧運本港獨家轉播權，在翡翠、明珠及J5以免費頻道播映，並於8月6日早上七時直播盛況，更於myTV SUPER設有「奧運專區」，八條奧運頻道24小時播放相關賽事，即使一些冷門賽事亦能全面覆蓋，是奧運迷的一大喜訊！
應屆港姐冠軍麥明詩正身在巴西為無綫採訪奧運，近日在市內拍攝奧運周邊情況，片段包括在myTV SUPER特設的「奧運專區」播放，她說：「去到巴西第一個感覺就係好凍，市內情況OK嘅，奧運村嗰邊都安全，有保安檢查，大致都OK，好多地方都整緊，細緻仲未完善。」
身為奧運主持之一的陳貝兒說：「奧運係四年一度嘅盛事，能夠全天候直播梗係好啦，捱住眼瞓都要睇呀。我都開始積極溫書嘞，公司畀咗成兩吋厚嘅天書畀我，我會盡量熟讀，同埋爭取休息時間備戰，希望到時捱夜做直播，都可以精神奕奕。」另外，無綫深夜重播劇集《使徒行者》收視節節上升，上周平均收視達8.6點，是該劇重播以來平均最高收視。
麥母擔心明詩唔夠衫
藝人麥明詩母親麥何小娟昨日到書展舉行講座，她說：「麥明詩去咗巴西工作，帶唔夠衫，好擔心佢！（想林作同麥明詩感情快啲好番？）冇特別期望，只想個女幸福快樂。（林作落晒形搭港鐵？）個個逼港鐵都係咁樣。（比起何浩文，對林作印象好啲？）我冇咁講，唔回應，唔好意思。」
