衛蘭(目及)實衛詩拍拖要過家姐關
歌手衛蘭（Janice）昨日與孿生妹妹衛詩姊妹檔出席音樂會，兩人承認轉投華納唱片後工作量大增，將於下月舉行個人音樂會的Janice坦言很感恩，並笑言為免妹妹再行差踏錯決定(目及)實對方：「拍拖一定要過我嗰關。」
歌手衛蘭（Janice）去年中孖住妹妹衛詩（Jill）簽約華納唱片，並獲公司點名力捧，工作接踵而來，Janice更將於下月舉行音樂會，昨日Janice、Jill與同公司樂隊Dear Jane、歌手陳詠謙等在美麗華商場出席《Gimme LiVe》音樂節2016，吸引數百歌迷捧場。
重拾「家」的感覺
再次「孖妹檔」出現的「雙J」坦言很珍惜工作機會，Janice說：「之前失蹤咗好耐，依家做番之前嘅嘢。」Jill則說：「見到大家好開心，今日同公司藝人一齊出活動，好有家嘅感覺。」
問到是否適應工作量？Janice說：「開頭唔係好慣，感恩有好多工作，8月12日又有音樂會，之後會到內地舉行巡迴音樂會。（同妹妹拍住上？）係呀。」問收入是否比前公司三級跳？Janice說：「穩定同好咗，喺外地搵錢機會多咗。」Jill表示不會再行差踏錯，身旁的Janice說：「佢大個女o架喇，我會(目及)實佢，相信佢會努力。（妹妹拍拖要過你關？）要o架，我都要過佢嗰關。」
Dear Jane騷周二開賣
同場的樂隊Dear Jane將於9月3日在Star Hall舉行演唱會，對於個唱優先訂票反應熱烈，四子非常開心：「冇諗過咁快賣晒，下星期二（7月26日）公開發售，希望快啲賣晒可以加場。（樂隊終於有價值？）夾咗咁多年Band終於值錢喇！」
文：音樂組
攝：劉智源