港姐狠叮十個 馮盈盈甜笑拉票

藝人歐陽震華（Bobby）、岑麗香及洪永城等，前晚以頒獎嘉賓身份與新一屆入圍的三十位香港小姐齊齊於將軍澳某酒店錄影《2016 TVB最受歡迎廣告頒獎典禮》。期間佳麗落力獻舞及行Catwalk，並逐一自我介紹。現場廣告客戶及大會評審團對她們評分，明日將在港姐活動上即場淘汰十名佳麗。

歐陽震華恨「揀女」

大熱佳麗馮盈盈被問到是否有把握晉級？她說：「我覺得做咩都要有信心。（投票倉卒？）反而係表演機會，希望大家睇到我甜美嘅笑容。」至於曾拍攝廣告的阮嘉敏被問到會否較容易搶分？她說：「有冇着數就唔敢講，但我經驗會多少少。（有冇信心入二十名？）平常心，做好自己同埋搵私人老師去排舞。」

出名貪玩的Bobby遇上入圍港姐即扮她們擺甫士影大合照。問Bobby覺得佳麗質素如何？他說：「佢哋好犀利，我踎低一陣腳都震埋。」又表示有興趣擔任港姐評判：「睇公司啦！我冇問題，我做過港姐司儀，又做過華姐評判。鍾嘉欣就係我揀出嚟，我揀女仔有一手o架！」

佳麗阮嘉敏自覺在拍攝經驗上稍佔優勢。	岑麗香	Bobby抵死地扮佳麗曲腳企，唔通想選埋一份？

岑麗香孖男友拍廣告

谷胸上陣的岑麗香被問會否希望與男友「情侶檔」拍廣告？她笑說：「我唔介意，但佢唔係圈中人，要問佢肯唔肯。」至於洪永城就自嘲不夠靚仔，故想拍醫學美容廣告：「其實我講笑，自然最好。（如果女友唐詩詠去整？）唔使，佢咁完美，我鍾意佢依家呢個狀態。」

文：影視組