圈中另一多仔公林盛斌（Bob），其妻女正於德國旅遊，有見德國繼7月18日晚上，於巴伐利亞州發生火車恐怖襲擊事件後，當地時間前日（7月22日）傍晚再於慕尼黑一個購物商場發生槍擊事件，Bob昨日於社交網代妻女報平安，留言：「謝謝大家的關心，已經跟他們聯絡上，他們在德國很平安，但是一星期兩單恐怖事件，確實令人擔心，真的希望他們可以盡快完成行程，安全回家。」
Bob隨後接受本報電話訪問時透露，妻女正身在德國南部近新天鵝堡附近，雖然不在慕尼黑，但Bob多次坦言「好鬼驚」，並表示已叮囑妻女盡快返港：「佢哋三個上星期跟住媽咪去咗個德國朋友度，去十幾日，係自駕遊，揸住架露營車周圍去，所以之前聽到話有個癲佬上咗架火車喺度劈嚟劈去，又斬傷五人家庭，我真係好鬼驚！好彩聯絡到佢哋，今朝再聽到呢個消息，即刻再同佢哋聯絡，佢哋冇事，唔喺慕尼黑，同行仲有老婆個家姐同佢個女，總共六個人，依家我都叫佢哋如果之後啲行程冇咩特別，就盡快返香港，因為我真係好鬼驚！」