馬蹄露勾引人夫向鄭子誠逼婚
藝人馬蹄露前晚在荃灣大會堂舉行處女個唱，獲好友關寶慧、張慧儀與兒子、范振鋒夫婦等撐場。全晚她換上多套服裝，包括Deep V裝大騷31A平板上圍，又有露背裝盡顯白滑玉背。當晚馬蹄露邀得多位好友擔任嘉賓，包括鄭子誠、李霖恩及姪仔馬米高等。
當年馬蹄露在劇集《真情》中飾演「May May」一角，唱到《天各一方》時，她請出劇中飾演其男友「李子浩」的鄭子誠在旁獨白。鄭子誠代觀眾向她送花，她即時逼婚說：「我哋兩個一齊結婚啦，我想得到你，因為我喺戲入面得唔到你。其實我都OK（口架）呵？正正哋！」唱完另一首歌後，馬蹄露再向鄭子誠逼婚：「我同倩怡（鄭子誠太太）都好熟，不如我做你哋嘅跟班，你唔好走呀，你要娶我呀！」場面搞笑，接着合唱劇集主題曲。最後，馬蹄露邀請好友們上台合唱《朋友》，更感觸落淚說：「呢個騷我學咗好多嘢，知道邊啲係我好好嘅朋友，多謝你哋！」
借故撩傾偈
完騷後，馬蹄露表示最滿意是與鄭子誠的演出，並感謝對方開金口唱歌：「佢好好，我同佢嘅交情唔可以用三言兩語去形容。」講到兩度向鄭子誠逼婚，不怕對方太太劉倩怡呷醋？她表示早已認識倩怡，又自爆有時會故意找鄭子誠：「冇辦法，一聽到子誠把聲，就好難控制，會畀佢吸引，我都會詐諦WhatsApp佢，但佢好衰，淨係寫字唔講嘢，有時同佢講電話，講到差唔多又會話有嘢做收我線。」至於感情狀況，單身的她稱想把最大部分精神用來陪家人。
文：音樂組